Умумий маълумотлар

«POYTAXT BANK» Акциядорлик Жамиятининг ташкил этилишига Ўзбекистон Республикаси Президентининг «2017-2021 йилларда Тошкент шаҳрида арзон кўп қаватли уй-жойлар қурилишини кенгайтириш бўйича қўшимча чора-тадбирлар тўғрисида» 2017-йил 13-мартдаги ПҚ-2824-сонли қарори асос бўлган.

«POYTAXT BANK» ўз иш фаолиятини бугунги кунгача банк асосчиси бўлиб келаётган Тошкент шаҳар ҳокимининг 2018-йил 13-октябрдаги 1481-сонли буйруғи билан бошлаган.

Банк фаолиятининг асосий вазифалари:

• Тошкент шаҳрида кўп қаватли турар-жой биноларини қурилиши учун инфратузилмани ривожлантириш бўйича инвестиция лойиҳаларини молиялаштириш учун жисмоний ва юридик шахсларнинг маблағларини жалб қилиш;
• Арзон кўп квартирали уйларни қурилишига жалб қилинган пудрат ташкилотларини кредит ресурслари билан таъминлаш;
• Арзон кўп квартирали уйларни лойиҳалаштириш ва қуриш борасида буюртмачи вазифасини бажариш;
• Аҳоли ва юридик шахсларнинг уй-жойга бўлган еҳтиёжларини қондириш борасида уларга ипотека кредитлари ва банк хизматларини тақдим этиш;
• Тошкент шаҳрида кўп квартирали уйларни қуриш ва таъмирлаш билан шуғулланувчи ихтисослашган пудратчиларга кредит бериш ва лизинг хизматларини кўрсатиш;
• Хорижий инвестиция маблағлари, шу жумладан, займлар ва арзон кўп квартирали уйларнинг қурилишини молиялаштириш учун халқаро молиявий институтларнинг техник кўмагини жалб этиш;
• Инвестиция фаолиятини, жумладан, муҳандислик инфратузилмасини сифат жиҳатдан яхшилашни таъминловчи ишланмалар ва лойиҳаларни молиялаштиришни амалга ошириш;
• Уй-жой, коммунал хизматлари, энергия таъминоти ва бошқа маҳаллий тўловларни амалга ошириш учун инновацион тўлов тизимларини жорий этиш, шунингдек, тегишли ташкилотлар билан биргаликда аҳолига мобил банк хизматларини тақдим этиш;
• Замонавий, тежамли, энергияни кам сарфловчи ва юқори талабларга жавоб берадиган қурилиш материаллари ва асбоб-ускуналарни ишлаб чиқарувчи ташкилотларни кредитлаш;
• Тошкент шаҳрининг экспорт салоҳиятини, шу жумладан, халқаро реклама ва савдо оммавий ахборот воситаларини фаол ёритиш орқали хорижий банклар, халқаро ташкилотлар, дипломатик ва савдо вакиллари билан фаол ҳамкорликни йулга қўйиш;
• Қурилиш маҳсулотларини, биринчи навбатда, инновацион қурилиш ускуналарини халқаро бозорларга олиб чиқиш стратегиясини ишлаб чиқишда банк мижозларига кўмаклашиш;
• Универсал тижорат банки сифатида юридик ва жисмоний шахсларга бошқа банк хизматларини кўрсатиш.

Жамиятнинг устав фонди ва акциядорларнинг тузилиши