“Poytaxt Bank” jamoasi xalqaro yugurish marafonida ishtirok etdi!

Toshkent shahrida 21-aprel kuni 32 davlatdan professional sportchilar va havaskor yuguruvchilarni jamlagan BYD Toshkent xalqaro yugurish marafoni bo‘lib o‘tdi. Unda “Poytaxt Bank” jamoasi ham faol qatnashdi.

Ma’lumot uchun, ushbu marafon xalqaro sport tadbiri bo‘lib, World Athletics Label maqomiga ega hamda Xalqaro yengil atletika federatsiyalari assotsiatsiyasining (World Athletics) rasmiy musobaqalar taqvimiga kiritilgan. Toshkent xalqaro marafoni yo‘nalishi Xalqaro marafonlar assotsiatsiyasi (AIMS) tomonidan sertifikatlangan.