”Poytaxt bank” xodimlari uchun Ground Zero kovorking markazida “Effektiv sotuvlar” mavzusida maxsus trening o'tkazildi.

Ushbu trening, xodimlarning bilim va malakasini oshirish hamda sotuv jarayonlarini yanada samarali qilish maqsadida tashkil etildi. Treningga marketing assotsiatsiyasining rahbari Diyor Mirzaaxmedov boshchilik qildi.

Trening davomida xodimlar sotuv strategiyalari, mijozlar bilan samarali muloqot qilish usullari va marketingning eng yangi trendlarini o'rgandilar.

Bu kabi treninglar, “Poytaxt bank” xodimlariga kundalik ish jarayonlarida qo'llaniladigan amaliy maslahatlar berish bilan birga, ularning sotuv ko'nikmalarini oshirishga va bankning xizmatlarini mijozlarga yanada samarali yetkazib berishga yordam beradi.