Toshkent Davlat Iqtisodiyot universitetining “Bank ishi” kafedrasi tashabbusi bilan moliya, magistratura va kechki ta’lim va bank ishi fakultetlarining 2-kurs talabalari o‘rtasida “Pul va banklar” fanidan “Raqam dunyoni o‘zgartiryapti” mavzusiga bag'ishlangan viktorina bo‘lib o‘tdi.

Ushbu viktorina talabalarni mazkur fandan olgan bilimlarini mustahkamlashga yordam berishidan tashqari, ularning iqtidorini nomoyon qilish maqsadida ham tashkil etildi.

Interaktiv tarzda o‘tgan tadbirning avvalida talaba yoshlar o‘zlarini tanishtirdilar, hamda onlayn testni yechish va shu kabi boshqa qiziqarli shartlarni bajardilar. Mazkur tadbir talaba yoshlarda ijobiy taassurotlar qoldirdi. An’anaviy tarzda o‘tkazilgan viktorina g‘oliblariga “Poytaxt Bank” tomonidan sovg‘alari topshirildi.