Tarix

Bugungi kunda “Poytaxt bank” amalga oshirilayotgan transformatsiya jarayonlarining ustuvor yo‘nalishlaridan kelib chiqib, universal bank sifatida iqtisodiyotning barcha sohalaridagi loyihalarni moliyalashtirish, kichik biznesni qo‘llab-quvvatlash, yuridik va jismoniy shaxslarga keng ko’lamli bank xizmatlarini ko‘rsatish borasida xizmatlarni taklif etib kelmoqda.

Bank o‘tgan 5 yil davomida “2020-2025-yillarda O‘zbekiston Respublikasining bank tizimini isloh qilish strategiyasi”da belgilangan vazifalardan kelib chiqib, transformatsiya jarayonlarini muvaffaqiyatli amalga oshirib kelmoqda. Xususan, belgilangan ustuvor vazifalardan kelib chiqib, AJ “Poytaxt bank” tomonidan bank kapitallashuvini oshirish, transformatsiya jarayonlarini qo‘llab-quvvatlash maqsadida investorlarni jalb etish bo‘yicha ishlar olib borilmoqda.

Ushbu tashabbusga muvofiq, “Poytaxt bank” AJ 2019 yildan zamonaviy, jadal rivojlanayotgan bank sifatida o‘z faoliyatini boshladi.

“POYTAXT BANK” AJ O‘zbekiston Respublikasi Prezidentining “2017-2021-yillarda Toshkent shahrida arzon ko‘p qavatli uylar qurish ko‘lamini kengaytirishga doir qo‘shimcha chora-tadbirlar to‘g‘risida”gi 2017 yil 13 martdagi PQ-2824-sonli qarori bilan tashkil etilgan.